Popular Bible Verses from Met 45

Share

Eyoñe ji, te mia wô'ôlun, nge jôbane na mi nga kuane ma na be zuu ma vana, amu Zambe a nga lôme ma ôsu wônane na me ba'ale mia ényiñ.

Eyoñe jina ñhe, saake mia mi nga lôme ma vana, ve Zambe; a nga telé ma ésaa Faraoñ, masa ya *nda jé ése a ngovina ya Ejipte ése.

Zambe a nga lôme ma ôsu wônane na me ba'ale mia *mebuka'a e si bi too nyô a ve mia nguleya nyiñ ayap a zene ya *nkôtan ô ne anen.

Yôsep a nga jô bobenyañe bé na: Ma ye'elane mia, suba'ane ma bebé, nye na: Me ne Yôsep monyoñe wônan, e nye mi nga kuane na be kee nye Ejipte.

Den a ntoo mimbu mibaé ane mfumbale zaé a kui si bi too nyô; mimbu mi li'iya fe mitan e mmie mia ye bo teke nsenane si nge nkôane bidi.

Yôsep a nga jô bobenyañe bé na: Me ne Yôsep! Ye ésaa wom a ngenan a vee? Ve bobenyañ be nga kam avale ya na be nji bo nguleya yalane nye.