Popular Bible Verses from Nk 8

Share

Ve *môs ôte nselan wo ye boban e Gôzen vôm bôte bam be too: Valé a ye bo teke minlo, ndemben wo ye yeme na ma, Nti, me ne ézezañ ya si éte. Ma ye futi nkandan wo kôté e zañ bôte bam a e bôte bôé. Ndem éte ja ye yené akiti.

Ane Nti a nga jô Môze na: Jô'ô Aron na, same e wo wôé ô bili *ntum asôé yôp, e mimbale mi beta ôsôé, e bitam bi kos, a bo na minkongo mi bet e si ya Ejipte.

Ane bebo mesimba be nga jô Faraoñ na: A ne ônyu Zambe! Ve nleme Faraoñ ô nga bo ntip a bo te vô'ôlô Môze ba Aron.

Ane Aron a nga same e wo wé e mendime ya Ejipte; ane minkongo mi nga bet a yiane si ése ya Ejipte.

Ane Nti a nga jô Môze na: Kôlô'ô si, e ndibe tyé, ô ke e be Faraoñ éyoñ a ye kui atane na a ke ôsôé, wo ye jô nye na: Avale di nde Nti a jô na: Su'u e bôte bam be ke bo m'ésaé.

Ane Faraoñ a nga jô na: Ma ye suu mia mi ke tyi'i Nti e Zambe wônan biyem e fé été. Ve da mia ye bo te ke ôyap. Ye'elan ajô dam.