Popular Bible Verses from Nk 2

Share

Ane Zambe a nga wô'ô mintate miap. Ane a nga simesane élat jé a nga bo a Abraham, Izak a Yakob. Nde a nga fombô Israél a bu fek ajô mbia éto wop.

Ayab éyoñ e lôteya, ane njô bôte ya Ejipte a nga wu, bôte ya Israél ke be kele ôsu a tôbane étibela'a e miñyôn été. Ane ñyône wob ô nga bet a kui e be Zambe.

Eyoñ mon a nga bo ôbe'ebek, nde minga a nga ba'ale nye a nga kee nye e be ngon Faraoñ. Ane a nga nyoñe nye ane mone wé émien a yôlé nye jôé na Môze, amu a nga jô na me nga nyoñe nye e mendim.

Ane ngon Faraoñ é nga jô nyia mon ate na: Kelee mone nyô a nyia ma nye mebé; ma ye ya'ane wo e tañe jôé. Ane a nga ke nyoñe mon a nyia nye mebé.

Ane ngon Faraoñ é nga ke ôsôé na a ke woban ba be bengon be binga ba ba'ale nye nsamba. Bengone be binga ba be kele ba wulu nsa'a ôsôé, ane ngon Faraoñ é nga yene nkoé nden ô bôô ézezañ bone bilé; nde a nga lôme mbo ésaé minga wé na a ke nyoñe wô.

Ayab éyoñ e lôteya, ane Môze a nga bo nya môtô. Môs éziñ a nga kôlô *nda njô bôt na a ke a jome bobenyañ. Ane a nga yene ngule bisaé be nga bo, a yene fe môte ya Ejipte a bôme mone Hébre, wua ya bobenyañ bé. Ane a nga fombô li a li. Eyoñ a boya te yene môt, ane a nga wôé môte y'Ejipte a solé mbim e nsele'e si.