Popular Bible Verses from Romiko lạgitʼ Pạul Apostolakʼ ciṭhi 5

Share

Menkhan Isor aboe dulạṛetʼ bon ona reakʼ cinhạ do noage, kại hoṛ bon tahẽkanrege Mạsi do abo lạgitʼ jiwiye emkeda.

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Eken ona do baṅ, harkhet sasetre hõ bon rạskạkʼ kana, ente bon baḍaea harkhet saset reakʼ jo do soboriye hoeocoya, ar sobori reakʼ jo do bhage colon ar bhage colon reakʼ jo do asge.

Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk do hoyakana. Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Nijor bon tahẽkanre Mạsi do ṭhik okterege bedhorom manwako lạgitʼ, metakʼme abon lạgitʼgeye gocʼlena. Jãhãe dhorom hoṛ lạgitʼ okoehõ jiwi do bako em lạgidokʼa.

Enḍekhan Mạsiyakʼ mãyãm hotete tinre abo do dhorom mente bon ataṅ ocoakana unre abon do Mạsi hotetege Isorakʼ sạjại khon khạṭige rukhiyạ bon ńama.

Cetʼleka mitʼṭen manwawakʼ bebakʼtao hotete ḍherkoge kại hoṛ menteko lekhayen, onkage mitʼṭen manwawakʼ batao iạte ḍher hoṛ do dhorom menteko ataṅ ocokʼa.

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.