Popular Bible Verses from मरकुस 13

Share

तब हमर नामके खातिर तुसब लोकसबसे घिरनित हेब्‍ही आ जे अन्‍ततक स्‍थिर रहतै उ उदार पाबतै।”

तै खातिर होसियार भ्‍याके जालग रह आ परथना करैतरह! कथिलेत उ बखत कखनी एतौ से तुसब नै जानैचिही।

जब लोकसब तोरासबके पकैरके अदालतमे लजेतौ तब ओइ बखत कथी बोल्‍बै तकर चिन्‍ता नै कर। कथिलेत ओइ बखत तोरासबके कथी बोले परतौ से पबितर आत्‍मा तोरासबसङे बोल्‍तौ।

स्‍वरग आ पिरथिबी बित जेतै, महज हमर बचन रहबे करतै।”

“महज उ दिन आ उ बखत कहिया एतै से ककरो नै थाहछै, नै स्‍वरगदुतसबके नै परमेस्‍वरके बेटाके, मातरे परमेस्‍वर पिता जानैछै।

जब तुसब लराइ-झगरासबके हल्‍ला सुनबिही तब ओइ बखत नै डेरा। कथिलेत पहिने यि घटनासब हेबैये परतै महज अन्‍त तखुन्‍ते नै हेतौ।

तै खातिर जागल रह, कथिलेत घरके मालिक साँझमे, कि अधा रातमे, कि भिनसर, कि बिहान, कखनी एतौ से तुसब नै जानैचिही। एहेन नै हेबे कि उ नै सोचलहा बखत आइबके तोरासबके सुतल देख्‍तौ। हम तोरासबके जे कहैचियौ से हमसब लोकसबके कहैचियौ कि जागल रह!”

जाती-जातीके बिचमे लराइ हेतौ आ राजके बिरोधमे राज खरा हेतौ। जते-तते भुमकौनसब आ भुखमरीसब हेतौ। यि त अन्‍तके दिनके सुरुवात मातरे चियै।

महज पहिने सब जातीसबमे सुसमाचार परचार हैकेचाही।

बहुत लोकसब हमर नाममे ‘हम्‍ही खिरिस्‍ट चियौ’, कहैत एतौ आ बहुत लोकसबके बहकेतौ।

“आपन बारेमे तुसब होसियार रह! कथिलेत उसब तोरासबके अड्‍डा खनामे लजेतौ, यहुदी सभाघरसबमे लज्‍याके पिटतौ। हमर नामके खातिर तोरासबके सासकसब आ रजासबके अगामे हमर गबाही दैले खरा हेब्‍ही।

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

जब बरका महासङकटके दिनसब बितलाकेबाद सुरुज अन्‍हार हेतै आ चान आपन चमक दैले छोरतै, अकासके तरासब खस्‍तै आ अकासके सक्‍तीसब थर-थर काप्‍तै।