Popular Bible Verses from लुका 3

Share

जब सब लोकसब बप्‍तिस्‍मा लैछेलै तखुन्‍ते येसु ओहो बप्‍तिस्‍मा लेल्‍कै। परथना करैबखत स्‍वरग उघरलै, आ पबितर आत्‍मा पौरकी के रुपमे उपरसे आइबके येसुके उपर बैठलै तब स्‍वरगसे एहेन एकटा अबाज एलै, “तु हमर दुलरुवा बेटा चिही, तोहर से हम बहुत खुसी चियौ।”

तब युहन्‍ना ओकरासबके जबाब देल्‍कै, “हम त तोरासबके पानीसे बप्‍तिस्‍मा दैचियौ, महज एक गोरा जे आइबरहल्‍छौ उ हमरोसे बरका छै, जकर हम जुताके फितो तक खोलैके जोकरके नै चियौ। उ तोरासबके पबितर आत्‍मा आ आइगसे बप्‍तिस्‍मा देतौ।

ओइखातिर तुसब आपन पाप माइनके आ पस्‍चाताव कैरके असल बैनके देखा। ‘अपनासब अबराहमके खन्‍दानके सन्‍तान चियै’ तै खातिर दन्‍डसे भागबै कैहके नै सोच, कथिलेत परमेस्‍वर अबराहमके लेल यि पथलोसे सन्‍तान बनाइले सक्‍तौ।

गाछमे कुरहाइर परे लागल छै, कथिलेत असल फल नै फरैबला सबगाछ काइटके आइगमे फेकल जेतै।”

ऐहनङे यसैया अगमबानी करैबलाके लिखल किताबके बातसब, “उजार जगहमे एकटा लोक जोरसे कैहरहल छै, ‘परभु आबैबला रस्‍ता दुरुस कर, उ चलैबला रस्‍तासब सोझ कर! सब खाइध-खुइध सैर हेतौ, हिमाल आ पहारसब सैर हेतौ, टेढ घोंच रस्‍तासब सोझ हेतौ आ बिगरल रस्‍तासब सैर हेतौ। तब सब लोकसब परमेस्‍वरके मुक्‍ती देख्‍तै।’”