Popular Bible Verses from युहन्‍ना 6

Share

तब येसु फेनो उसबके कहल्‍कै, “जिबनके रोटी हम्‍ही चियौ। जे हमरलग एतै उ कहियो नै भुखल रहतै आ हमरमे बिस्‍बास करैबला कहियो नै पियासल रहतै।

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

येसु ओइसबके जबाब देल्‍कै, “परमेस्‍वरके काम एह्‍या चियै, जे ओकरा पठाइने छै ओकर उपर बिस्‍बास कर।”

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

हमरा पठाबैबला पिता लोकसबके हमरलग आबैके मन नै देतै त कोइ नै हमरलग आबैले सक्‍तै आ अन्‍तके दिनमे हम उसबके जियाइबै।

कथिलेत परमेस्‍वरके रोटी ओह्‍या चियै, जे स्‍वरगसे आइबके सन्‍सारके जिबन दैछै।”

हम जिबनके रोटी चियै।

तब येसु उ रोटी ल्‍याके परमेस्‍वरके धन्‍यबाद देल्‍कै आ बैठलहा लोकसबके खाइके लेल चेलासबके परसैले लगाइल्‍कै, तहिनङे माछोके परसैले लगाइल्‍कै। उ सबलोक अघा-अघाके खेल्‍कै। उसब अघा-अघाके खेलाके बाद येसु आपन चेलासबके कहल्‍कै, “उगरल खुन्‍डा-खुन्‍डीसब बिछके राख, ताकि एकोटा जियान नै हेबे।”

चेलासब पाँच-छ किलोमिटर नाहके चल्‍याके गेलाकेबाद येसुके तालके पानी उपरमे चैलके नाहलग आबैत देखल्‍कै आ उसब एकदमसे डर्‌यागेलै। महज येसु ओइसबके कहल्‍कै, “हम्‍ही चियौ, नै डरा।”