Popular Bible Verses from परेरित 16

Share

तब उसब कहल्‍कै, “परभु येसुमे बिस्‍बास कर तब तु आ अहिनङ कैरके तोहर घर-परिबार उदार पाबतौ।”

महज अधा रातके पावल आ सिलास परथना करैत, भजन गाबैत परमेस्‍वरके परसन्‍सा करैतरहै, ओकरौरके परथना करैत परमेस्‍वरके भजन गाबैछेलै आ औरो जहलमे ढोकलहा कैदीसब सुनैत रहै। तहै बखत अचानक बरका भुमकौन भेलै। भुमकौनके धक्‍कासे जहलके खुट्‍टा खम्‍हा सब हिलगेलै। सब केबारसब आपने खुइलगेलै आ बान्‍हल घुरीसब खुलगेलै।

तकरबाद उ ओइसबके बाहर लज्‍याके कहल्‍कै, “हे हौ मालिकसब, हमरा उदार पाबैले कथी करेपरतै?”

जब जहलके हाकिमके निन खुल्‍लै तब ओतेका सब केबारसब खुलल देखैत मातर कैदीसब भाइग गेलहेतै सोचके उ आपन तलबार निकाइलके अपने आपके हतिया करैले चाहल्‍कै। यि देखैत मातर पावल जोरसे कहल्‍कै, “ठहर, ठहर! तु आपने आपके कुछो नै कर, कथिलेत हमरौरके सबगोरा अतै चियौ।”