1
मत्ती 28:19-20
पश्चिम तामाङ
होत्तज्यीम् देरेम् एङ्यीमा य्हर्ज्यीम् जम्मनो जातीमात ङइ डबमा स्य्हेङो, अपतेङ् ज ओसेम् पबीत्र आत्माइ छेन्री थेङ्यीमात बप्तीस्मा पीनो। ङचे एङ्यीमात कुल्बे जम्मनो अर्तीमा र्हङ्ले थेङ्यीमात ब्रबरी लोपो। देमेन्नो, ङ एङ्यीमातेङ् खेम पङ्लेनो बक्च्य तस्ये मुब, ओसेम् ङ जम्बुलीङ्की ज्युकी दीन्सम्मनो एङ्यीमातेङ् तस्ये मुब।”
Compare
Explore मत्ती 28:19-20
2
मत्ती 28:18
ओसेम् येसु थेङ्यीमाकी रेइरी खज्यीम् सुङ्ज्यी, “ङत स्वर्गतेङ् जम्बुलीङ्की जम्मनो हक् न्हङ्बल मुब।
Explore मत्ती 28:18
3
मत्ती 28:5-6
तर स्वर्गदुत्चे हुजु अमकोलमात पङ्ज्यी, “थलोङो, ङत था मुब, एङ्यीमा क्रुस्री च्योलाबे येसुत म्हइबरी खबल य्हीन्ब। थेङ् चुरी अरे, थेङ्चे सुङ्ब र्हङ्लेनो थेङ् स्यीब ग्यम्से सोजेत्पल मुब। खज्यीम् थेङ्की ल्ही थेन्बे ग्ला च्याको।
Explore मत्ती 28:5-6
4
मत्ती 28:10
हुजु लीप्चे येसुचे थेङ्यीमात सुङ्ज्यी, “थलोङो, एङ्यीमा ङ्यीज्यीम् ङइ डबमात गालील्री ङ्यीउ पङ्पीनो। थेङ्यीमाचे ङत हुजुरी म्रङ्स्ये मुब।”
Explore मत्ती 28:10
5
मत्ती 28:12-15
ओसेम् ङ्हच्छ्यङ् लम्बुमाचे ल्हो-ल्हो एल्डरमातेङ् तम् डीःज्यीम् स्यीपइमात य्हक्को टङ पीन्ज्यी। ओसेम् पङ्ज्यी, “एङ्यीमाचे ‘म्हुन ङ्यीमा म्हेर्बे बेलोरी येसुइ डबमा खज्यीम् थेइ ल्हीत य्हो लज्यीम् बोर्नेम्’ बी पङो। रोमी सरकार्चे चु तम् थ्येसम् ङ्यीमाचे थेत व्हम्ल, एङ्यीमाचे चु तम्री गदेएनो छेर्अतो।” ओसेम् हुजु रुङ्बे म्हीमाचे टङ कीन्ज्यीम् ङ्हच्छ्यङ् लम्बुमाचे लोप्प र्हङ्ले पङ्ज्यी। चु तम् देरेसम्मनो यहुदीमाकी गुङ्री ठम्बल मुब।
Explore मत्ती 28:12-15
Home
Bible
Plans
Videos