Popular Bible Verses from মার্ক 6

Share

সে অক্তত্ বোউত্ মানুচ্ সিয়েনত্ যানা-এযানা গত্তন্ বিলি শিচ্চ্যগুনে কিজু হেবার সুযোগ্অ ন-পেলাক্। সেনত্তে যীশু তারারে কলঅ, “তুমি মঅ সমারে কনঅ এক্কান নিরিবিলি জাগাত্ এইনে কানক্কন্ জিরো।”

সেক্কে যীশু তারারে কলঅ, “নিজো আদামত্, নিজো ইত্তো-কুদুম্মো ইধু আর নিজো ঘর্ বাদে বেক্ জাগানিত্ ভাববাদীগুনে সর্মান পান্।”

যীশু নৌকোত্তুন্ লামিনে সয়-সাগোজ্যে মানুচ্ দেগিলো। এ মানুচ্চুনোত্তে যীশুর ভারী মেয়্যে অলঅ কিয়া ইগুনোর দশাগান গরক্ নেইয়্যে ভেড়া ধোক্ক্যেন এলঅ। যীশু তারারে ভালোক্কানি পৌইদ্যেনে শিক্ষ্যে দিয়্যে ধুরিলো।

সে পরেদি তে কয়েক্কো পীড়েল্যে মান্‌জ্য উগুরে আঢ্ বাজেইনে তারারে গম্ গুরিলো, মাত্তর্ সিয়েনত্ আর কনঅ আমক্ কাম্ গরানা সম্ভব ন-অলঅ। মানুচ্চুনে তারে বিশ্বেজ্ ন-গুরিলাক্ দেগিনে তে খুব আমক্ অলঅ। ইয়েনর্ পরেদি যীশু আদামে আদামে যেইনে মানুচ্চুনোরে শিক্ষ্যে দিয়্যে ধুরিলো।

যীশু সেই পাচ্চান্ রুটি আর দ্বিবে মাছ লোইনে স্বর্গ ইন্দি রিনি চেইনে গোজেনরে ভালেদি জানেল, আর মানুচ্চুনোরে দিবাত্তে রুটি ভাঙিনে শিচ্চ্যগুনো আঢত্ দিলো। এবাবোত্যেগুরি তে বেক্কুনোরে মাছ্অ ভাগ্ গুরি দিলো। তারা বেক্কুনে পেট ভরে সং হেলাক্। সে পরেদি শিচ্চ্যগুনে বাদ্‌বাগি রুটি আর মাছ কট্টানি তুলিনে বারবো লেই ভোরেলাক্।