Popular Bible Verses from মার্ক 16

Share

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

যিগুনে বিশ্বেজ্ গরন্ তারা ইধু এ চিহ্নোগান্ দেগা যেবঅ-মঅ নাঙে তারা ভুদ্ ধাবেবাক্, তারা নুয়ো নুয়ো ভাষায় কধা কবাক্, তারা আঢ উগুরে সাপ তুলি ধুরিবাক্, যুনি তারা অমকদ বিষাক্ত কিজু খান্ সালে তারার্ কনঅ ক্ষতি ন-অবঅ, আর তারা পীড়েল্যেগুনো কিয়্যেত্ আঢ্ দিলে পীড়েল্যেগুনে গম্ অবাক্।”

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।

মাত্তর্ তারা রিনি চেইনে দেগিলাক্, পাত্তর্‌বো লারা ওইয়্যে। সে পাত্তর্‌বো অমকদ দাঙর্ এলঅ। সেনত্যে তারা গোরানত্ সোমেলাক্, সিয়েনত্ তারা দেগিলাক্ ধুব্ কাবড়-উজ্যে এক্কো গাবুর্ মানুচ্ ডেনেদি বুয়োই আঘে। সেনত্যে তারা অমকদ আমক্ অলাক্।