Popular Bible Verses from মথি 9

Share

সেক্কে যীশু তা শিচ্চ্যগুনোরে কলঅ, “খেত্-খেত্তি ঘেচ্চেকগুরি বোউত্ মাত্তর্ কাম গরেদে মানুচ্ কম্। সেনত্তে খেত্-খেত্তি গিরোজ্‌সো ইধু কোজোলী গরঅ যেন তে তার খেত্-খেত্তিগানি কাবিবাত্তে মানুচ্ পাধেই দে।”

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

এ কধাগান শুনিনে যীশু কলঅ, “যিগুনে গম্ আগন্ তারাত্তে ডাক্তরর্ দরকার নেই, বরং অসুখ্যেগুনোত্তে দরকার আঘে।

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।