Popular Bible Verses from মথি 7

Share

চঅ, তমারে দিয়্যে অবঅ; তগঅ, পেবা; দোরানত্ বাজ্জ্য, তমাত্তে খুলো অবঅ।

যিগুনে চান্ তারা পত্তিজনে পান্; যে তগায় তে পায়; আর যে দোরানত্ বাজ্জ্যেই তাত্তে দোরান্ খুলো অয়।

“সে পরেদি যে কনজনে মর্ এই বেগ্ কধানি শুনিনে সিয়েনি পালায় তে এমন্ এক্কো বুদ্ধিবলা মান্‌জ্য ধোক্ক্যেন্, যে পাত্তর উগুরে তা ঘরান্ বানেল।

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

মাত্তর্ যে পথ্‌তানে জিংকানির ইন্দি নেযায় তার দোরান্অ চিবেচিপ্প্যে, পথ্‌তান চিবে। খুব কম্ মান্‌জ্যে সিয়েন তোগেইনে পান্।

চিবেচিপ্প্যে গেদো ইন্দি সমঅ, কিয়া যে পথ্‌তানে ভস্ত অইদ্যে ইন্দি নেযায় সিয়েনর দোরান্অ দাঙর্ আর পথ্‌তান অযার। বোউত্ মানুচ্ সিয়েনদি সমন।

তুমি বজং ওইনেয়ো যুনি নিজো পুয়ো ছাগুনোরে গম্ গম্ জিনিস দিবাত্তে জান, সালে যিগুনে তমা স্বর্গর্ বাবা ইধু চান্ তে যে তারারে গম্ গম্ জিনিস দিবো ইয়েন কত্তমান্ সত্য!

তুমি অন্যগুনোর দুষ্ ধুরিনে ন-বেড়েয়ো যেন তমার্‌অ দুষ্ ধরা ন-অয়, কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

যে কনজনে মর্ এই বেক্ কধানি শুনিনে সিয়েনি ন-পালায় তে এমন্ এক্কো ভুল্ বেদমা মান্‌জ্য ধোক্ক্যেন্, যে ধূল্যে উগুরে তা ঘরান্ বানেল।

তঅ ভেইয়ো চোগোত্ যে ফেজাগান্ আঘে বানা সিয়েনই দেগর্, অদচ তঅ নিজো চোগো ভিদিরে যে ফেজাগান্ আঘে সিয়েন রিনি ন-চর্ কিত্তে? যেক্কে তঅ নিজো চোগো ফেজাগান্ আঘে সেক্কে কেধোক্ক্যেন্ সাহস গুরি তঅ ভেইবোরে এ কধাগান কর্, ফোক্কোজ্যে! আয়, তঅ চোগোত্তুন্ ফেজাগান্ নিগিলেই দুয়োং?

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্। তারা কি গরন্ সিয়েনিলোই তুমি চিনি পারিবা। কাদাঝুবোত্ কি আংগুর ফল বা উবো লেঙেরাত্ কি ডুমুর ফল ধরে?

ঠিগ্ সেবাবোত্যেগুরি পত্তি গম্ গাজত্ গম্ গুলো ধরন মাত্তর্ বজং গাজত্ বজং গুলো ধরন।

গম্ গাজত্ বজং গুলোগুলি আর বজং গাজত্ গম্ গুলোগুলি ধুরি ন-পারন।

যে গাজত্ গম্ ফল ন-ধরে সিবে কাবিনে আগুনোত্ ফেলেই দিয়্যে অয়।