Popular Bible Verses from মথি 5

Share

কনজনে চেরাগ জ্বালেইনে কাল্লোং তলে ন-থন্ মাত্তর্ চেরাগ টগ উগুরে থন্। সেক্কে ঘরর্ বেক্ মানুচ্চুনে পহ্‌‌রান্ পান্। সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

তুমি জগদর্ পহ্‌‌র‍্। মুড়ো উগুরে শঅর্ লুগেই থোই ন-পারে।

যিগুনোর্ মনানি দোল্ তারা বর্‍‍‍পেইয়্যে, কিয়া তারা গোজেনরে দেগিবাক্।

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

মান্‌‌জ্যর্ জিংকানিত্ শান্তি আনিবাত্তে যিগুনে কাম্ গরন্ তারা বর্‍‍‍পেইয়্যে, কিয়া গোজেনে তারারে নিজোর্ পুয়ো বিলিনে ডাগিবো।

যিগুনে দুঘ্ গরন্ তারা বর্‍‍‍পেইয়্যে, কিয়া তারা সান্ত্বনা পেবাক্।

গোজেনর্ আওজ্ মজিম চলিবাত্তে যেইনে যিগুনে অত্যেচার্ সোজ্য গরন্ তারা বর্‍‍‍পেইয়্যে, কিয়া স্বর্গ-রেজ্যগান্ তারার্।

যিগুনে দোয়্যেলু তারা বর্‍‍‍পেইয়্যে, কিয়া তারা দোয়্যে পেবাক্।

তুমি বর্‌পেইয়্যে, যেক্কে মান্‌‌জ্যে মত্তে তমারে অগমান্ গরন্ আর অত্যেচার্ গরন্ আর মিজে গুরিনে তমা নাঙে নানান্ বাবোত্যে ভান্ন্যেই কধা কন্। তুমি ফুত্তি গরঅ আর হুজি ওইয়ো, কিয়া স্বর্গত্ তমাত্তে দাঙর্ বক্‌‌শিজ্ আঘে। তমা আগেদি যে ভাববাদীগুন এলাক্ মান্‌‌জ্যে তারারেয়ো এবাবোত্যেগুরি অত্যেচার্ গুরিদাক্।

যিগুনোর হাচ্চ্যেক্‌কানি চিদে তারা বর্‍‍‍পেইয়্যে, কিয়া পিত্‌থিমীগান তারার্ অবঅ‍‍‍।

তুমি পিত্‌‌থিমীর নুন্, মাত্তর্ যুনি নুনোর্ সুয়োত্তান্ বর্‍‍‍‍‍‍বাদ্ ওই যায় সালে কেধোক্ক্যেন্ গুরিনে সিয়েন আরঅ নুন্‌‌‍যো গরা যেবঅ? সেই নুনান্ আর কনঅ কামত্ ন-লাগে। সিয়েন বানা বারেদি ফেলে দিবার আর মান্‌‌জ্য টেঙোই উড়েদে ধোক্ক্যেন্ যগাজ্যে অয়।

ইয়েনত্তে কং, তমা স্বর্গর্ বাপ্পো যেবাবোত্যে খাটি তুমিয়ো সেবাবোত্যে খাটি অ।

তমা কধাত্ অয় যেন অয় আর নয় যেন নয় অয়; ইয়েনর বেশ্ যিয়েন, সিয়েন শদান ইত্তুন্ এজে।

তুমি শুন্ন্যদে, কুয়ো ওইয়্যে, চোগোর্ বদলে চোগ্ আর দাতর্ বদলে দাত্। মাত্তর্ মুই তমারে কঙর্, তমা সমারে যে কনজনে ভান্ন্যেই বেবহার গরে তা বিরুদ্ধে কিচ্চু ন-গোজ্য; বরং যে কনজনে তঅ ডেন্ গালত্ চুয়োড়্ মারে তারে বাঙ্‌অ গালানত্অ চুয়োড়্ মারিবাত্তে দিস্।

তঅ ডেন্ চোগ্‌কো যুনি তরে পাপ পধেদি টানে সালে সিবে নিগিলেইনে দূরোত্ ফেলেই দে। তর্ গোদা কিয়্যেগান নরগত্ পড়ানাত্তুন্ বরং সিগুনোর্ এক্কো বর্‍‍‍বাদ্ অনা তঅ পক্ষে গম্। যুনি তঅ ডেন্ আঢ্‌তানে তরে পাপ পধেদি টানে সালে সিয়েন্ কাবি ফেলেই দে। তর্ গোদা কিয়্যেগান্ নরগত্ যানাত্তুন্ বরং এক্কান বর্‍‍‍‍‍বাদ্ অনা তঅ পক্ষে গম্।