Popular Bible Verses from মথি 16

Share

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

মুই তরে স্বর্গ-রেজ্যর্ চাবিগানি দিম্, আর তুই এ পিত্‌থিমীত্ যিয়েনি থুবেবা সিয়েনি স্বর্গত্অ বানি থুয়ো অবঅ আর যিয়েনি খুলিবে সিয়েনি স্বর্গত্অ খুলি দিয়্যে অবঅ।”

যে কেঅ তার নিজোত্তে বাঁজি থেবার্ চায় তে তার্ জিংকানিগান্ ঘেচ্চেক্‌‍‍‍গুরি আরেব; মাত্তর্ যে কেঅ মত্তে তা পরাণান্ আরায় তে তার্ জিংকানিগান্ ঘেচ্চেক্‌গুরি রোক্ষ্যে গুরিবো।

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

সেক্কে তে তারারে কলঅ, “মাত্তর্ তুমি কি কঅ, মুই কন্না?” শিমোন-পিতরে কলঅ, “তুই সেই মশীহ, জেদা গোজেনর্ পুয়ো।”

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।