Popular Bible Verses from Zaa 17

Share

‑Na'a wɛlɩɩ, yɩ 'yize mɩɩ kää ‑tiamö gbëaa 'mö. ‑Lɛ a ‑tiawɛlɩ 'la, yɩ nɩ 'zuë ‑na 'yize a ‑nʋä 'wʋ.

‑Nmö glɩnɩɛ ‑tiamö a Lagɔ. Wa ‑kämö yɩbhlɩnɩɩ, Zezwii Kliisɩ, ‑n tiee mä'ä dʋdʋ 'wʋ, wa 'kɔ yɩbhlɩnɩɩ, mɩɩ glɩnɩɛ 'pɩwʋ mää 'naa 'kää 'yli bhɩɛɛ.

Wa 'yize a 'wlumö n ‑nɩmöä dɛ'ɛ bhibhe, ‑maa wa ‑kä nɩkpa 'na wɛlɩɩ 'nyɛ a ‑wa 'kɩɛ 'wʋ nglu, wa ‑kaa dlɩ 'tɛɛnɩɩ, wa 'wlumö n bhibheamöä. Wa 'wuë wa 'kä 'gämö ‑bhʋlʋ glɩnɩ, nza n bhibheamöä wa dɛ. Sɛ n ‑glamöä 'wʋ n‑n ‑wʋʋä ‑gömö, ‑a 'sɔɔ a‑a glɩnɩɛ ‑bhʋlʋʋ, gbä wa ‑kanyɩ ‑sɩbhä 'wʋ ‑glɛ, nzɩɩ wa 'kä ‑aa sɛ ‑bhʋlʋ glɩnɩ. ‑Lɛ a dɔ'wʋ, mä'ä 'pɩwʋ a nɩkpaa yi sɛ yɩbhlɩmanɩ nɩɩ, ‑nmöö tieaaa.

‑N 'kʋä mä'ä 'pɩwʋ ‑sɛ a za n ‑nɩmöä bhibhe, ‑maa ‑n 'kʋä Sataa 'a 'mötɛɛnɔɔ ngli ‑sɛ nza n bhibheamöä wa 'wlumö.

‑Na'a 'ghïlinɔɔ ‑n 'wälanɩɛ ‑mä na 'mö 'ylii, 'mö n 'wälanɩ'ɛɛ ‑mä wa 'mö 'yli, nzɩɩ n ‑nyɛmö 'sɔ, sɛ ‑a glɩnɩɛ ‑bhʋlʋʋ, wa 'kä ‑sɩbhä ‑bhʋlʋ glɩnɩmö. Sɛ ‑n ‑wʋʋä ‑gömö, 'n n ‑wuë'ɛɛ na a ‑gömö a za, wa yi ‑tiamö ‑bhʋlʋ glɩnɩ. ‑Lɛ a dɔ'wʋ mä'ä 'pɩwʋ a nɩkpaa yi sɛ yɩbhlɩmanɩ nɩɩ, ‑nmö tieaaa mä'ä dʋdʋ 'wʋ. Wa yi'ɛ sɛ yɩbhlɩmanɩ nɩɩ, sɛ ‑n ‑waaa, ‑sɩbhä ‑n ‑wamö'ɛɛ na ‑nʋa.