Popular Bible Verses from Zaa 13

Share

Zaa, gbalelea n panyɩɛ ma‑a nɩɩ, a nɩ ‑wawanɩ. Sɛ n ‑waanyɩɛ, a nɩ ‑wawanɩ ‑sɩbhä. A ‑kä ‑sɩbhä ‑wawanɩɩ, ‑lɛ a dɔ'wʋ nɩkpaa 'wuë yi sɛ yɩbhlɩmanɩ nɩɩ, na ‑gänɩwa a glɩnɩɛ.»

Zaa, a yɩɛ ‑amö a ‑lowli, ‑amö a 'cɩanyɔ, ‑amöö wɔlanyɩɛ kplɩ yɔwʋ zaa, a'bhï a nɩ ‑bhɩɔ 'mö, a 'kä ‑sɩbhä kplɩ yɔwʋ wɔlʋwɔlʋnɩ. 'Saa n nʋanyɩɛ dɛ'ɛ 'wluu, a nɩ 'zwi 'wlumö, a 'kä ‑sɩbhä 'zʋmö.

Zezwii lɛ naa: «'Saa n ‑wʋä dɛ'ɛ nʋ dɔ'wʋ, ‑n 'niɛ ‑bhlɛ 'mö 'nʋ, ‑maa ‑n yi bhäla 'mö 'nʋä yi.»

‑Tiamö n nyanyɩɛ dɛ'ɛ 'dɩ nɩɩ, libhonʋnyɔ a ‑mɔɔ 'kää 'ghïli, ‑ɔ 'kää ɔ 'bhidɩba 'wʋ zii, ɔ'ɔɔ ‑bhölɩ. Nɩkpɛ a ‑mɔ wa tiee, ɔ'ɔɔ ‑zɩ dɛsɛ ‑kä, ɔ 'kä ‑ɔ tioo 'wʋ zi.

A yɩɛ, ‑li 'la 'wuë n kanyi sʋlʋnɩ 'wë, a ‑yiia'a ‑sɩkaa. 'Na wɛlɩɩ sɛ yɩ gbää, a ‑kä ‑sɩbhä nɛmöö, 'a ‑jɔlʋ!

Ɔ ‑sɔɔ ‑lɛ lilidaa 'wʋʋ, 'n ɔ yiɛ 'ɔ ‑bäna 'kädaa 'mö ‑sɛ, 'n ɔ yiɛ 'tabhë 'käda 'wʋ 'libhï, 'n ɔ yeaa 'mlɩ gwanɩ. 'N ɔ yiɛ 'bëë 'mö 'nyu pälɩ, 'n ɔ yiɛ ɔ ‑gänɩwaa kplɩ yɔwʋ wɔlʋ. Ɔ ‑kä ‑mɔ kplɩ yɔwʋ wɔlʋ 'wëë, 'n ɔ libhïä 'tabhëa ɔ gwanɩ a‑a 'mlɩ 'wʋ 'n ɔ sɩɔ kplɩ yɔwʋ.