Popular Bible Verses from Marko 13

Share

Mulihatwa bona ha bw’ezina lyange. Nawe alyeguminsiriza kuhika ha muhero, ogwo niwe alichunguka.

Mwekenge, mukesye nimulembereze; kuba timukumanya olwo olunaku olwo lulihika.

Kai ka balibakwata bakabasagara, muleke kutandika kutekateka ebyo mulagamba, nawe ebyo mulihabwa mu katungu ako, nibyo mugambe; kuba t’imwe abafumozi, nawe niwe Mwoyo Mutakatifu.

Igulu n’ensi bilihwaho, nawe ebigambo byange tibilihwaho.

Eby’olunaku olwo n’akatungu tihaliho akubimanya, n’abamalaika bo mw’igulu bona pai, n’Omwana wena pai, niwe Tata wenka.

Nawe ka mulihulira obulemo n’ebigambo by’obulemo, mutalitina; kuba ebyo bili no kuhika, nawe kuhereruka kukili.

Mbe mutanagira; kuba timukumanya olwo kanaka aliza: hamo ni kebazo, hamo mw’itumbi, hamo mu nkoko, hamo ni kanencha; atechura naiza akabasanga munagire. Mbe echo nkubagambira, nkubagambira mwena nti: Mutanagira.

Kuba ihanga lilimukira ihanga lindi, n’obukama butabalire obukama bundi, halibaho ensi kutengeta ahandi, n’enzala. Ebyo niby’obutandikiro bw’obusasi.

Kandi Evanjeli eli no kutandika kwolekererwa mu mahanga gona.

Kuba bengi baliza mw’izina lyange, baligira bati: N’ine; bengi balizigwa.

Mbe imwe nimwekenge abene; kuba balibasagara mu ntongana, balibatera mu masomero, mulimerera obusyo y’abalamuzi n’abakama ha bwange, ha kumanyisya bonene.

Kuba balimuka abakwetwa ba Kristu b’obubehi n’abalagi b’obuzigi, abalikora amahano n’enyamo bahiche kuziga n’abasozirwe, bakaba nibahicha kuzigwa.

Nawe mu naku ezo, kunaranara okwo kwahwereho, izoba lililala, okwezi tikulileta olumuli lwakwo, n’enenezi zo mw’igulu ziliba nizigwa, n’amani agali mw’igulu galitengesibwa.