Popular Bible Verses from Matayo 27

Share

Mbe kuti ha saha yo mwenda Yezu nahamuka n’ilaka ihango nagira ati: Eli, Eli lamma sabakthani? Nikwo kugira ati: Mungu wange, Mungu wange, wannagiranira ki?

Omwenda ogwaliga guhemire mw’eklezia nigutemukamo bihinzu bibili, kuruga oluguru kuhika ifwo, n’ensi netengeta, n’amabale nigatika, n’ebituro nibifunduka, engingo zindi z’abatakatifu, abaliga banagire, nizizoka

Mbe Yezu nasuba kuhamuka n’ilaka ihango, omwoyo niguhwaho.

Omukuru w’abasirikale igana n’abo yaliga ali nabo nibalinda Yezu, ka babwene ensi netengeta, n’ebindi ebyagwireho, bakatina, nibagira bati: Waza! koto onu sanga ali Mwana wa Mungu.

Kuruga ha saha ya mukaga nihababo omwirima mu nsi yona kuhika saha yo mwenda.

Pilato nabagambira ati: Kai Yezu akwetwa Kristu mmugire nta? Bona nibagira bati: Alegwe ha musalaba. Omutware nabagira ati: Akozire kabi ki? Bonene nibakana kuyomba nibagira bati: Nalegwe ha musalaba.