Popular Bible Verses from Yohana 16

Share

Ebyo nabibagambira, mubone omulebo mul’imwe. Mu nsi mulibona enaku; nawe mutegeze, ine nkasinga ensi.

Nawe Omwoyo ogwo gw’obukomereza k’aliza, alibolekerera agakomereze gona. Kuba taligamba ha bwe; nawe aligamba gona ago alihulira, kai alibalaga n’ebikwenda kwiza.

Kuhika hati timukasabaga kintu mw’izina lyange. Musabe, mulihabwa, kusemererwa kwanu kube kwingi muno.

Nawe ine nkubagambira ebikomereze: kibahikire ine kugenda; kuba ine ntagenzire, Omuzuni talibezaho; nawe nkagenda, nkumubatumira. Nawe ogwo k’aliza, alisinga ab’ensi kuber’ebiheno, no kuber’obuhikire, no kuber’obulamuzi.

Mbe hati mukubona enaku, nawe ndisuba kubabona, kai omutima gwanu gulisemererwa, hona kusemererwa kwanu tihaliho alikubehaho. Olunaku olwo timulimbuza kintu. Koto koto nkubagambira nti: Ka mulisaba ekintu hali Tata mw’izina lyange, alibaha.

Koto koto nkubagambira nti: Imwe mulilira, mulilir’amaziga, nawe abo mu nsi balisemererwa; imwe mulibihirirwa, nawe kubihirirwa kwanu kulihinduka kube kusemererwa.