Popular Bible Verses from Yohana 14

Share

Nabasigira omulebo, nabaha omulebo gwange; nawe tinkubaha nk’okwo ab’ensi bakuha, omutima gwanu guleke kutamibwa no kuhaha.

Yezu namugambira ati: N’ine muhanda, n’obukomereza, n’obulame. Tihaliho akuhika hali Tata, atarabire hal’ine.

Omutima gwanu gutahaha. Mukwikiriza Mungu, nimwikirize n’ene.

Nawe Omusasizi, niwe Mwoyo Mutakatifu, owe Tata alituma mw’izina lyange, niwe alibolekerera byona, kandi alibezukiza byona ebyo nabagambiraga.

Ali n’ebilagiro byange, kai nabihicha, ogwo niwe akunenda. Kandi akunenda akwendwa Tata; kandi n’ene ndimwenda, nineyoleka hali wenene.

Ine nkusaba Tata abahe Omuhumuza ondi, aikare n’emwe myaka zona: Omwoyo gw’obukomereza ogw’ensi etakuhicha kwanankula, obwo etakugubona, kai etakugumanya. Nawe imwe muligumanya, kuba gulitura, kai gulikara mul’imwe.

Kandi buli chona echo mulisaba Tata mw’izina lyange, ndikikola, niho Tata akuzibwe muli Mwana. Ka mulisaba ekintu mw’izina lyange, ndikikola.

Raba nimunenda, muhich’ebilagiro byange.

Mu nzu ya Tata halimo obwikaro bwingi. Bukiba butalimo, nakubagambire; kuba nkugenda kubachumira obwikaro.

Ka ndagenda nkabachumira omwanya, nkusuba kwiza kubayenda n’ene, niho mube eyo ine ndi.

Toma namugambira ati: Mukama wange, tukuhicha tuta kumanya omuhanda, tutamanya ey’okuza?