Popular Bible Verses from Mark 9

Share

And Jesus says, “ ‘Gin thou can!’ — Aʼ things can come to him wha believes!”

And forthwith the laddieʼs faither cryʼt oot, and quoʼ he, “Lord! I believe! Tak awa my unbelief!”

And whan they war inside, the disciples speirʼt at him, “Why coud‐na we cast it oot?” And he said, “This sort gangs‐na oot but by prayer and fastin.”

“Gude is the saut. But gin the saut hae tint its tang, hoo sal ye mak it saut again! Hae saut in yersels, and be at peace ane wiʼ anither!”

“Wha sal tak till him ane oʼ sic bairns as thir, for the sake oʼ me, taks me till him; and wha taks me till him, taks no me but him that sent me!”

“For wha sal gie ye a cup oʼ water to drink, iʼ the mind that ye are Christʼs, truly say I tʼye, he tines‐na his reward!

“And whasae sal ensnare ane oʼ thir wee anes that lippen on me, it war better for him gin the muckle millstane was hangʼt aboot his neck, for him to be cuisten intil the sea!

“And gin yere eʼe ensnare ye, pyke it oot! it is bonnier for ye enterin intil life ae‐eʼed, than wiʼ twa een to be cuisten intil hell