Popular Bible Verses from Mark 13

Share

“And ye sal be hatit oʼ aʼ men for my sake; but wha tholes to the end, that same sal be saved.

“Tak ye tent! watch and pray! for ye kenna whan the time is.

“And whan they lead ye, deliverin ye up, be‐na fashin yersels aforehaun what ye sal say; but whatsae sal be gien ye iʼ that ʼoor, that speak; for it isna ye that speak; but the Holie Spirit.

“Heeven and Yirth sal pass awa; but my words sal‐na pass awa!

“But, oʼ that day and that ʼoor kens nane; no eʼen the angels in Heeven; nor the Son; but the Faither.

“And whan ye hear oʼ weir, and the clash aboot weir, be‐na ye putten‐aboot; for they maun needs come on; but the endin hasna come.

“Tak ye gude tent, thar‐for! for ye kenna whan the maister oʼ the hoose comes hame; gin it be at eʼen, or at midnicht, or at the cock crawin, or at the dawin; “Least, comin on ye oʼ a suddaintie, he find ye sleepin! “And what I say to you, I say to aʼ — tak tent!”

“For nation sal rise up again nation, and kingdom again kingdom: thar sal be yirdins in a hantle places; and thar maun be famines. Thir are the bearin‐pains comin on.

“And the joyfuʼ‐tidins maun first be proclaimed to aʼ the nations.

“Mony a ane wull come in my name, sayin, ‘I am he!’ and wull gar mony gang agee.

“But tak tent to yersels; for they wull gie ye up to hie‐cooncils and kirks; ye maun be cloured; and fornent governors and kings maun ye staun for the sake oʼ me, for a testimonie to them.

“For thar sal staun up fause Christs, and fause prophets, and wull schaw tokens and wunner‐warks, that they may lead awa, gin it war possible, eʼen the chosen anes.

“But in thae days, eftir that dool and stour, the sun sal be darkenʼt, and the mune sanna gie oot her licht, “And the starns sal faʼ frae the lift, and the pooers abune sal be shaken.