Popular Bible Verses from John 14

Share

“Peace I leaʼ wiʼ ye; my peace I gie ye; no as the warld wad gie, gie I tʼye. Dinna lat yere heart be dowie, nor be ye fleyʼt.

Quoʼ Jesus to him, “I am the gate, the Truth, and the Life! ilka man wha comes to the Faither, comes throwe me.

“Be ye‐na cuisten‐doon in heart; ye lippen on God; lippen on me as weel.

“But the Guide, the Holie Spirit, wham the Faither sends in my name, he sal eʼen learn ye aʼ things, and fesh aʼ things up to yere mind, whatsoeʼer I hae said to ye.

“The man wha kens my commauns, and has keepit them, is the ane that loʼes me; and my Faither loʼes him that loʼes me — and I wull loʼe him, and schaw mysel to him.”

“And I sal pray to the Faither, and he sal gie ye anither Guide, that he may be wiʼ ye for aye — “The Spirit oʼ aʼ Truth — wham the world receives‐na, for it sees him‐na, nor yet kens him. Ye ken him, for he bides wʼye, and sal be in ye.

“And aʼ that ye ask in my name, eʼen that wull I do, that the Faither micht be glorifyʼt iʼ the Son. “Gin ye ask ocht in my name, that wull I do.

“Gin ye loʼe me, keep my commauns!

“My Faitherʼs Hoose has mony bowers; if no, I wad hae tellʼt ye. I gang to busk a place for ye.

“And gin I gang to busk a place for ye, sae come I again, and tak ye to mysel; that whaur I bide, ye may bide.

Quoʼ Tammas to him, “Lord! we dinna ken whaur yeʼre gaun, and hoo can we ken the gate?”