Popular Bible Verses from Maariko 6

Share

Kurëngʼaana na abhaato bhaaru bhano bhaare hayo, abhande mbaare bharaacha, na abhande bharatanura, Yesu na abhaanabheegha bhaache bhaghataamibhu kuraaghëra. Niho akabhabhoorera akabhugha, “Muuche, tughëndë hano hataanyi na abhaato, tubhönë omweya o koweera hasuuhu.”

Yesu akabhabhoorera akabhugha, “Omurööti nahaabha na asooko ahaghiro ahande hoose, amare taanyi mo‑se yaache, na kwo bhahiiri bhaache na mo‑ka yaache.”

Hano Yesu ahikiri ase ayoomu, akarighi erikinda ikoro re bhaato. Akabhaghwera ebheghongi, gho kubha mbaare kinya changʼöndu chino chetaanyi no omoriishi. Aghasëëma kobheeghi amangʼana maaru.

Mbe, Yesu taatoriri ghuköra ebheroghooro bhyaru iyo, amare aghatoorera amabhökö abhabhabharu bharëngʼaaneru na kobhahöri. Akaroghoora chwee gho kubha bhataare no obhokumi koru hasuuhu. Akamara Yesu akabha ariinaara mo‑bhyaro bhe haghuhe kobheeghi abhaato.

Yesu akiimoki emighaate etaano na chaasu ibhere, aghagharaamereri Mwishaaro, aghiitabheri Eryobha. Aghaghesuura emighaate ghiire, akabhaha abhaanabheegha bhaache kubha bhabhahööhi abhaato. Akabhaha na chaasu chiire ibhere bhabhahööhi. Bhoose bhakaraaghëra, bhaghiighota. Abhaanabheegha bhaache bhaghakoma amatigho gha mighaate na chaasu, bhaghiichori ebhetonga ikomi na bhibhere.