Popular Bible Verses from Mataayo 16

Share

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Eni ˆneghakobhoorera kubha iye Bheetero n‑eriitare, ni ighoro e riitare rino, niho nekwabhëka eriikanisa reene, na changuru che nyaari chetaakorekinda.

Eni neghokuha iye chahunguru che bhutëmi bho Mwishaaro. Gho ghayo, ghoose ghano oghwishereri abhaato bhakörë mo‑se ino, Eryobha ryose ndeghoghiishereri. Wiiki, ghoose ghano otaaghoghiishereri, Eryobha ryose retaaghoghiishereri.”

Omooto uno akwënda kobhuhöni obhuhöru bhooche omwene, nakobhobhori. Amare omooto uno akobhobhori obhuhöru bhooche gho ghiri yaane, nakobhubhöna obhuhöru bho miishe ghyose.

Kana omooto nakubhöna ke, aribha abhwine ebheghiro bhyose bhe mo‑se ino, amare abhori obhuhöru bho miishe ghyose? Hamu omooto naghotora koruusi egheghiro ke kibhatere obhuhöru bhooche?

Yesu akabhabhoori wiiki akabhugha, “Amare inyu kana, mokobhugha eni neeni we?” Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.