Popular Bible Verses from Makö 2

Share

Zozii nuu‑ lä sä wa ci bhlä nä, kɔ ‑sonʋwa, ɔ lä nyɩkpaa' ‑lʋa ‑wanö 'yɛkɛɛ‑ 'tɛ lä 'mʋ nä, waa' tään ‑wʋ gwäzönʋnyʋä, ‑mä gupanyʋä, wamää‑ tään lä gwäzönʋnyʋä. Nyɩkpaa' ‑lʋa ‑wanö nʋnʋgbɩ‑ gëë‑ lä 'yi nä, waa' ‑zä 'nn ‑wʋ ‑yi ‑mä gbenyenyinyʋa, waa' ‑zä n ‑yi lä.

Zozii nii‑ lä waa' pɔlötɛtɛɛ 'yi nä, kɔ ‑soo 'kpläkplänyɔɔ, ɔ lä 'naa 'yunɔ, ‑naa nyenyii yä cienöɔ!

'Nɩ Zozii yiwa bʋkʋ soo, ɔ lä Sabaa‑gwlɛylʋʋ nä, nyɩkpɔɔ' ‑zä ʋ ‑nʋɔ lä, ‑mä nyɩkpɔɔ' ‑wʋ Sabaa‑gwlɛylʋʋ' ‑za ‑nʋɔ.

‑Mä nyɩkpa ‑zu bhlä ‑lɔɔ kpänyɩ nä, waa' mii bhɔɔ 'nɩ wa 'kɔ Zozii dëlü ‑lä. Ɩ ‑kä 'ŋnö 'nɩ wa gblää‑ ‑bhutuu 'wlu, 'nɩ wa yi ʋʋ' ‑papëa këfë ‑sä, 'nɩ ɔ ‑kʋ ‑amäkɩɛ 'mnö 'nɩ wa yio Zozii dëlü kwlie.

Ɩ ‑ŋwa 'kʋ nynä a yibhë sɔɔ ‑mä, ‑mää ‑dʋdʋnʋ 'kʋ nä, Nyɩkpɔɔ ‑Yowli ‑kä 'päwä ‑yä ɔ 'kä nyɩkpa nyenyi cie. Zozii cii‑ lä sɔɔ 'nɩ ɔ yi 'kpläkplänyɔɔ soo, ɔ lä n sonö‑ö nynä ‑mä, ‑n ‑bha 'kʋ ‑yä ‑n 'bhlü ‑naa ‑amäkɩɛ 'kʋ ‑yä mʋ ‑naa ‑gbäsɩɩ!

N 'kä 'kpläkplänyɔɔ soo nynä ‑mä, ‑naa nyenyii yä cienöɔ nä, ɩyä n 'kɔ soo nynä ‑mä, ‑n ‑bha 'kʋ ‑yä ‑n nää nä, 'klünö 'sɔ 'mnöö laa ‑sä 'tɛ bhää?

Nyɩkpaa ‑lefɩɩn 'klʋ 'nɩ 'kpobhuu ‑bhlo 'kʋ, nyɩkpɔɔ yi 'kʋ ‑bha, ɔ bhlüü‑ ɔɔ' ‑amäkɩɛ 'kʋ 'nɩ ɔ yi mʋ. ‑Mä nyɩkpaa nëë' ‑yʋwa, wlä ‑aa ‑läzä sää wälɩ 'ni! Ɩ ‑kä bhä 'ŋnö 'nɩ wa fään bhɛ Laagɔ 'ŋnu.