Popular Bible Verses from Makö 12

Share

Zozii lä ‑Jlämaa 'mnöö ‑lɛkädaa, ka ci lä nynä ‑mä, A poo 'nyukwli 'Yizlɛnyʋänyɩ‑! Kwlienyɔ Laagɔ, ‑anyɩa' Laagɔɔ, ʋmʋ ‑bhlo plöö‑ lä Kwlienyɔ! Ɩ ‑ŋwa 'kʋ nynä Kwlienyɔ ‑naa Laagɔ, ‑n wamänöɔ ‑naa pleyii 'fɩɩn, ‑n wamänöɔ ‑naa 'wugaa 'fɩɩn 'mnö, ‑n wamänöɔ ‑naa bhobholɩɩ 'fɩɩn 'mnö, ‑n wamänöɔ ‑naa 'tɛtɩɩ 'fɩɩn 'mnö. 'Sɔna ‑jlämaa‑ ‑gbɛɛ lä ‑näna kätää' nä, ka ci lä nynä ‑mä, sä ‑n ‑waa lä ‑n yëku nä, ‑n wamä sɔɔ ‑n ‑lie. ‑Jlämää' yɩɔ bʋkʋ ‑mɔɔ klë ‑kʋ 'nɩ a 'kä yɩ ‑Jlämönö 'sɔ 'kʋ ‑zi.

Zozii nii‑ lä ‑nɩnɩ 'fɩɩn 'yi nä, kɔ laa‑ ɔɔ' 'kʋgënyʋa 'nɩ ɔ yiwa soo, ɔ lä ‑nʋawlɛɛ 'mnö, n sonö'anyɩ nynä 'kuzëlü‑ŋnɔnɔ ŋäzöö bhlä lä nä, ɔmɔɔ‑ nyɛɛ‑ kpänyɩ 'nɩ ‑ɔ ‑zi lä nyɩkpaa 'fɩɩn‑ ŋʋʋ‑ lä ‑mɔɔ monie nä 'kʋ. ‑Mɔɔ' ‑lʋa nä, monie ‑lɛɛ wa nyɛɛ‑ lä nä, ɛ 'nʋwa ‑wʋ gbʋ kää. ‑Mä ɔmɔ nä, dä ɔ ‑kä bhlä ‑yä ɔ 'kä 'kudublɔ 'kʋ biebie nä, ‑lɔɔ ɔ nyɛɛ‑ lä.

Zozii ‑mʋ 'nɩ ɔ 'plöö‑ Laagɔ‑bhutuu 'mnö kwänɩsɩɛ 'bhɔklɔɔ yëku 'nɩ ɔ yi sä kʋ. ‑Lɔɔ ɔ ‑kʋ 'nɩ ɔ wloo bhä nyɩkpaa‑ ŋʋ bhlä ‑mɔɔ 'bhɔklɔɔ 'mnö monie nä. Lɛkäänyʋä ‑bhutukpä yi 'nɩ wa ŋʋ bhä ‑mɔɔ monii ‑bhutukpä. ‑Mä 'kuzëlüŋnɔ ‑bhlo ‑yi, ɔɔ' ‑lɔɔ ŋäzö bhlä bhlä nä, ɔ bhɛɛ‑ ‑pikinilɩä 'sɔ 'nɩ ɔ yiwa ‑mɔɔ pään.

Ɩ ‑ŋwa 'kʋ nynä nyɩkpɔ wamä Laagɔ ɔɔ' pleyii 'fɩɩn, ɩyä ɔɔ' bhobholɩɩ 'fɩɩn 'mnö ɩyä ɔɔ' 'tɛtɩɩ 'fɩɩn 'mnö. Ɩyä sä ɔ ‑waa lä ɔ yëku nä, ɔ wamä sɔɔ ɔ ‑lie. ‑Jlämönö 'sɔ ‑zi 'cibhisälɩ ‑yä bʋbɔɔlɩɩ 'fɩɩn 'kʋ.

Zozii lä ‑aaa! Nä, ‑ɔ gä sɔɔ nä, daa‑ plöö‑ lä Sezaa' dä nä, a 'nyɛ ‑lɔɔ Sezaa, ɩyä daa‑ plöö‑ lä Laagɔɔ' dä nä, a 'nyɛ ‑lɔɔ Laagɔ! ‑Mä Zozii cii‑ lä sɔɔ nä, kä nükpëë' ‑slʋwa.