Popular Bible Verses from Lukö 19

Share

Nyɩkpɔɔ ‑Yowli nä, nyɩkpaa ‑wa yä lä too nä, wamä ɔ tää lä ‑yä ɔ 'kwa ‑lɔɔ nëë' ‑sä.

Wa ci bhä, wlä ‑Mɔɔ mɔ ‑ɔ plöö‑ lä 'loyoo 'nɩ ‑Ɔ yi lä Kwlienyɔ Laagɔɔ' 'ŋnöö 'mnö nä, 'Nyupälɩ ŋënö‑ö 'kʋ! 'Kʋwɔtɔlɩ kʋ ‑mɔɔ Laagɔ yëku! 'Klʋagba ŋëë ‑mɔɔ Laagɔduu' fɛɛn fɛɛn!

Ɔ cii‑ lä sɔɔ nä, Zozii lä ‑zɩkää' ylʋʋnʋ 'mnö nä, kä Laagɔ ‑yi lä 'gbënä 'mnö ‑yä ʋ 'kä ‑mɔɔ' nyɩkpaa ‑lɔɔ nëë' ‑sä. ‑Ɔnöza bhää? Zasee 'plömʋ 'sɩɩ Ablaamʋʋ' 'lɔlʋnyɔ.

Zozii ‑ŋëë ylä ‑lɔɔ nä, kɔ bhɛlɩä 'wlu 'kʋ, 'nɩ ɔ yi Zasee soo, ɔ lä Zasee‑! ‑N pio 'kʋ ‑yä ‑n kwli, ‑mä ‑zɩkä nä, ‑naa dää 'mö n 'kä lä 'kʋ plä! 'Nɩ Zasee yi 'kʋ vʋvʋä 'nɩ ɔ yi kwli. 'Nɩ ‑pʋpɛɛ 'mnö, ɔ yi Zozii ɔɔ' dää fä.

‑Mä Zasee ‑bha 'kʋ 'nɩ ɔ 'nynigo‑ Kwlienyɔɔ Zozii dëlü, 'nɩ ɔ yio soo, ɔ lä Kwlienyɔ‑, ‑n ni kä n 'kä lä 'naa kääkäälɩɩ 'mʋ mimi ‑yä, n 'kɩ 'mʋ ‑döö ‑yä n 'kä ŋäzönyʋa 'nyɛ. 'Nɩ, n kä bhä 'sɩɩ nyɩkpɔ 'nyigë‑ 'nɩ n kɔ bhä ɔɔ' kääkäälʋʋ ‑sä nä, n yio ‑lɔɔ' ‑lʋʋ' 'ci ‑mɔɔnä 'ylɩbha.

‑Mä wa woo bhɛ lä nä, Falizɩɛnyʋa ‑wa ‑kʋ bhlä ‑lɔɔ nä, kwa ‑soo Zozii, wlä Cɩanyɔ‑, ‑n slä ‑naa 'kʋgënyʋa në ‑yä wa 'kä ‑plɩɩ kʋ ‑nä! Zozii lä n sonö'anyɩ nynä ‑nänʋä kä ‑plɩɩ ‑kʋ nä, cɛkwɩɩ 'mɩɩ‑ 'gä lä woo.