Popular Bible Verses from ROM 5

Share

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

Cun harnak kan inmi zongah hin kan i lawm ko, zeicahtiah harnak nih cun in khawhnak kha a kan ngeihter i in khawhnak nih cun ziaza a kan ngeihter i ziaza nih cun ruahchannak kha a kan ngeihter; ruahchannak nih cun a kan deuh lo

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem. Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi.

A thihnak hmanh nih Pathian he a kan remter ahcun zeitluk in dah Pathian thinhunnak chung cun amah nih cun a kan khamh chinchin lai.

Mipa pakhat nawlngaih lo ruangah mi tampi kha misual i ser an si bantukin mipa pakhat nawlngaih ruangah mi tampi cu miding ah ser an si lai.

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.