Popular Bible Verses from ROM 2

Share

Sihmanhsehlaw nangmah nih, cu sual na phawtmi hna thil hrimhrim kha na tuah ve ko hna caah, Pathian sualphawtnak cu ka luat lai, tiah i ruat hlah. A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

Pathian nih cun ahopaoh kha duhdanh lo tein an bia a ceih hna lai.

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

Pathian nih cun aho paoh kha an tuahmi ningin a rulh hna lai.

Cun mi a cheu cu anmah zawn lawng kha an i ruat i ahmaanmi kha an duh lo i ahmaan lomi tu kha an zulh; cu hna cu Pathian nih a thinhunnak le a thinlinhnak kha a toih hna lai.

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.