Popular Bible Verses from MATTHAI 28

Share

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law, kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh. Amah cu hika ah hin a um ti lo, a chim bantukte khan, a tho cang. Ra u law an chiahnak hmun hi ra zoh hmanh u.

Jesuh nih cun, “Nan thinphang hlah u; ka unau pawl kha, Galilee ah va kal u, tiah va chim hna u, khika ah an ka hmuh lai,” tiah a ti hna.

Upa pawl he khan an i ton i khua an khan dih hnuah, tlangbawi upa pawl nih cun ralkap pawl kha ṭhalo tein zik an nawh hna i “A zultu pawl kha zan ah an ra i kan i hngilh karah a ruak kha an ra fir, nan ti lai. Cun hi kong hi mangki bawipa nih thei ai kun, kanmah nih a ṭhat khawhnak chungin kan tuah lai i nannih cu zeihmanh fahnak nan ing lai lo,” tiah an ti hna. Ralvengtu pawl nih khan tangka cu an i lak i cuticun nan tuah lai tiah an timi hna kha an tuah. Nihin ni tiang hin, Judah mi nih an vahtermi bia cu, hi bia hi a si.