Popular Bible Verses from MATTHAI 24

Share

Ṭhat lonak kha a karh tuk lai caah mi tampi cu an dawtnak kha a dai lai. Sihmanhsehlaw a dongh tiangin a fekmi cu khamh an si lai.

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

Lam nai i an i tuknak thawng le lam hla i an i tuknak thawngpang kha nan theih hna lai; sihmanhsehlaw nan awlokchong hlah u. Cu bantuk thil cu an um hrimhrim awk a si ko, asinain a donghnak a phan cang tinak a si lo.

Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai. Hi thil vialte hi nau chuah lai nganfah a hmasa bik bantuk an si.

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

Zeicahtiah ka min in mi tampi an ra lai i, ‘Keimah hi Messiah cu ka si,’ tiah an ti lai i mi tampi kha an hlen hna lai.

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai. Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai. Cun nal profet tampi an chuak lai i mi tampi an hlen hna lai.

Jesuh nih cun, “I ralring u law ahohmanh i hlenter hna hlah u.

Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

Cucaah nan Bawipa a rat lai ni nan hngalh lo caah ralring tein um ko u.

“Asinain, cu ni le cu caan cu zeitik ah dah a si lai, ti kha ahohmanh nih an hngal lo; vancung mi zong nih an hngal lo, Fapa zong nih a hngal hlei lo, Pa lawnglawng nih a hngalh.

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

Mi Fapa a rat cu Noah chan i thil umtuning bantuk kha a si lai. Tilian a tlun hlan, Noah lawng chung i a luh ni tiang kha, an ei an ding an i ṭhi an i um i tilian a hung tlun taktak i a fenh dih hna hlantiang kha cu, zeihmanh an hngal lo. Mi fapa a rat tikah cun cu bantuk cun a si lai.