Popular Bible Verses from LUKA 6

Share

Midang kha thil va ṭhen hna u, nannih zong Pathian nih an ṭhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.

Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

Nan Pa cu mi zaangfah thiam a si bantukin nannih zong mi zaangfah thiammi si ve u,” tiah a ti.

“Midang kha va soi hna hlah u law nannih zong Pathian nih an soi ve hna lai lo; midang kha sual va phaw hna hlah u law nannih zong Pathian nih sual an phaw ve hna lai lo; midang kha an sualnak va ngaithiam hna u law nannih zong Pathian nih nan sualnak an ngaihthiam ve hna lai.

“Nannih ka bia a theimi hna, nan ral kha va daw hna u, an huatu hna cungah khan ṭhatnak va tuah u, chiat an serhtu hna kha thla va campiak hna u.

Ka tuahpiak hna seh ti na duhmi kha mi va tuahpiak hna.

Mi pakhatkhat nih na bel ah an bengh ahcun khattelei bel zong i chit rih; pakhatkhat nih na angkileng an chuh ahcun na angki chungnawh zong va pe rih. Thil zeimaw an halmi paohpaoh kha va pe hna, cun mi pakhatkhat nih na ta a simi kha aa lak ahcun va hal ṭhan ti hlah.

“A ngan a dammi thingkung nih thei chia a tlai lo, thingkung ṭhalo zong nih thei ṭha a tlai ve lo.

Thingkung paohpaoh cu an theitlai in hngalh khawh an si; hlingbur in theipi nan lo bal lo, theihmung bur in mitsur thei nan lo bal fawn lo.