Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah BAWIPA nih pei a fial lai tiah. BAWIPA nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.