Popular Bible Verses from Lukas 6

Share

Aez ihz nahz lah, pehz ngaz bawnz mial. Pehz ngaz bawnz mial neuk neuk. Tekz sapz, kruhz sapz tuhz seu kiz pehz thanz paw neuk pe. Seu pehz tuang aez ihz nahz ne pehz bawnz mial seu diz.”

Ihz rak ne plaez an rak tuhz kingz keu nuasz daehz, ihz nam rak ne plaez an nam rak tuhz kingz keu nuasz daehz. Kingz keu nuasz neuk ceun nae kaw mony daz ceun diz.”

Rak raan su daehz keui raez. Cih an rak kaai keuh. Aez keuh rawm pehz eunz, yak mang ta bawnz mial. Beuk cih ceun diz pehz ngaz bawnz suz an mawh rae pehz ngaz penz kuanz Phraz Pen Caoh an trawng dutz. Kawp daz Hnhz cih kez cuz kaai ihz nam mas kez cuz boh kaai ihz raai.

Teur yawng ihz ceun Paz pehz mawz teur yawng.

Yak daz ihz cih kawi, beuk cih ceun diz Phraz Pen Caoh kaw ngaz nam daz pehz cih kawi. “Yak nae ihz, Phraz Pen Caoh kaw nam nae pehz. Plawiz reung dengz kawi ihz raez. Beuk cih ceun diz Phraz Pen Caoh kaw ngaz plawiz reung dengz kawi pehz.

Ohz lao pehz an teuk ngarz Ohz keui nahz, rak raan su keui, cih an rak kaai ihz an ceuh daehz keui raez. Aez reung dengz rak ihz an kin daehz raez. Suz tawngz aez tang ihz cih an nam rak kaai daehz raez.

Sunz aez ihz cih daehz ceun nae kaw, cih kaai ihz ceun diz.

Beuk seu hawkz hawkz paapz mawk pehz seu plaakz kaw aez thaengz seu plaakz raez. Beuk seu hawkz hawkz leh seu kaeng mah pehz kaw yak kan, aez hnhz leh thaengz tang seu kaeng supz raez. Aez tawz ihz maanyz daehz raez. Meuz ihz rimz leh khangz pehz keui kaw yak maanyz mial daehz eunz.

“Teungz rak nam caang plaehz an nam rak. Teungz nam rak kaw nam caang plaehz an rak.

Yawt plaehz kaw mas teungz. Nam tawkz leh plaehz laangz wah kaai teungz seur keutz. Nam tawkz leh plaehz seu pit kaai yum seur keutz.