Popular Bible Verses from प्रकाश 11

Share

जब सातौं स्वर्गदूतले आफ्नो तुरही फुके, तब स्वर्गमा चर्का आवाजहरूले यसो भने: “संसारको राज्य हाम्रा प्रभुको र उहाँका ख्रीष्‍टको राज्य भएको छ, अनि उहाँले सदा-सर्वदा राज्य गर्नुहुनेछ।”

राष्ट्रहरू क्रोधित भएका थिए, अनि तपाईंको क्रोध आइपुगेको छ। मरेकाहरूको न्याय हुने बेला आएको छ, अनि तपाईंका सेवक अगमवक्‍ताहरू, तपाईंका सन्तहरू र तिनीहरू जसले तपाईंको नाउँको डर मान्छन्, ठूला र सानाहरू दुवैलाई इनाम दिने बेला आएको छ; अनि पृथ्वीलाई नाश गर्नेहरूलाई नष्‍ट गर्ने समय आएको छ।”

अनि म मेरा दुईजना साक्षीहरूलाई शक्‍ति दिनेछु, अनि तिनीहरूले भाङ्ग्राको वस्त्र लाएर एक हजार दुई सय साठी दिनसम्म अगमवाणी बोल्नेछन्।”

तर साढे तीन दिनपछि परमेश्‍वरबाट जीवनको सास तिनीहरूभित्र पस्यो, र तिनीहरू आफ्ना पाउमा उभिए, अनि तिनीहरूलाई देख्नेहरू डरले आतङ्कित भए।

यी अगमवक्‍ताहरूले अगमवाणी गरेका दिनहरूमा पानी नपरोस् भनेर आकाशलाई थुन्‍ने शक्‍ति हुनेछ; अनि पानीलाई रगतमा परिणत गर्ने तथा तिनीहरूले चाहेअनुसार पृथ्वीमा हरेक किसिमका रूढीले प्रहार गर्ने शक्‍ति हुनेछ।

यिनीहरू “ती दुई जैतुनका रूखहरू” अनि दुई सामदानहरू हुन्, “जो पृथ्वीका प्रभुका सामु उभिन्छन्।” यदि कसैले अगमवक्‍ताहरूलाई हानि गर्ने कोसिस गर्दछ भने, तिनीहरूका मुखबाट आगो निस्केर ती शत्रुहरूलाई भस्म पारिदिनेछ। यसरी नै तिनीहरूलाई हानि गर्ने चेष्‍टा गर्नेहरू मर्नुपर्नेछ।