Popular Bible Verses from मार्क 13

Share

माझ्यामुळे सर्वजण तुमचा द्वेष करतील, परंतु जो शेवटपर्यंत स्थिर राहतील, त्याचेच तारण होईल.

सावध असा! सतर्क राहा! ती वेळ केव्हा येईल, हे तुम्हाला माहीत नाही!

परंतु जेव्हा ते तुम्हाला धरून नेतील व तुमच्याविरुद्ध खटला सुरू होईल, तेव्हा आपल्या बचावसाठी काय बोलावे याची अगोदरच चिंता करू नका. त्यावेळी तुम्हाला जे सुचविले जाईल ते बोला. कारण तुम्ही ते बोलणार नाही, तर पवित्र आत्मा बोलेल.

आकाश व पृथ्वी नाहीशी होतील, पण माझी वचने नाहीशी होणार नाहीत.

“तरीपण त्या दिवसाबद्दल किंवा वेळेबद्दल कोणालाच माहीत नाही, म्हणजे स्वर्गातील दूतांना नाही, पुत्रालाही नाही, ते फक्त पित्यालाच ठाऊक आहे.

जेव्हा तुम्ही लढायांसंबंधी ऐकाल आणि लढायांच्या वार्ता ऐकाल, तेव्हा तुम्ही घाबरू नका. असल्या गोष्टी घडल्याच पाहिजेत. पण शेवट अजूनही यावयाचा आहे.

“यास्तव तुम्ही जागृत राहा कारण घराचा मालक कोणत्या दिवशी परत येईल; संध्याकाळी, मध्यरात्री, कोंबडा आरवेल त्यावेळी किंवा पहाटे येईल हे तुम्हाला ठाऊक नाही. तो जर एकाएकी आला तर तुम्ही त्याला झोपेत असलेले सापडू नये. ‘सावध राहा!’ मी जे तुम्हाला सांगतो ते प्रत्येकाला सांगत आहे.”

कारण राष्ट्रांविरुद्ध राष्ट्र व राज्याविरुद्ध राज्य उठतील. निरनिराळ्या ठिकाणी भूकंप होतील, दुष्काळ पडतील. या गोष्टी तर प्रसूती वेदनांची सुरुवात आहेत.

प्रथम शुभवार्तेचा प्रचार सर्व राष्ट्रांमध्ये झालाच पाहिजे.

कारण अनेकजण माझ्या नावाने येतील आणि, ‘मीच तो आहे,’ असा दावा करतील आणि पुष्कळांना फसवतील.

“तुम्ही सावध असले पाहिजे. तुम्हाला न्यायालयाकडे सोपविले जाईल आणि सभागृहामध्ये मारहाण करण्यात येईल आणि माझ्यामुळे, तुम्हाला राज्यपाल आणि राजे त्यांच्यापुढे माझे साक्षी व्हावे लागेल.

कारण खोटे ख्रिस्त आणि खोटे भविष्यवादी उदय पावतील आणि मोठी चिन्हे व अद्भुते करून, साधेल तर, निवडलेल्या लोकांनाही फसवतील.

“हा भयानक क्लेशांचा काळ संपल्याबरोबर त्या दिवसात, “ ‘सूर्य अंधकारमय होईल, आणि चंद्र आपला प्रकाश देणार नाही; आकाशातून तारे गळून पडतील, आणि आकाशमंडळ डळमळेल.’