Popular Bible Verses from 1 योहान 5

Share

आपल्याला परमेश्वरासमोर येण्यास धैर्य आहे, कारण आपण त्यांच्या इच्छेनुसार काही मागितले तर ते आमचे ऐकतात.

जे आपण मागतो ते ऐकतात आणि आपल्याला माहीत आहे की जे आपण त्यांना मागितले आहे ते आपणास मिळाले आहे.

परमेश्वराच्या आज्ञा पाळणे म्हणजे त्यांच्यावर प्रीती करणे होय आणि त्यांच्या आज्ञा जाचक नाहीत कारण प्रत्येकजण जे परमेश्वरापासून जन्मले आहेत त्यांनी या जगावर मात केली आहे. आमच्या विश्वासाच्याद्वारे आम्ही या जगावर मात करून विजय मिळविला आहे.

ज्या कोणाला परमेश्वराचा पुत्र लाभला आहे, त्याला जीवन आहे; ज्याला परमेश्वराचा पुत्र लाभला नाही, त्याला जीवन नाही.

मी तुम्हाला हे लिहित आहे यासाठी की, जे तुम्ही परमेश्वराच्या पुत्राच्या नावावर विश्वास ठेवता त्या तुम्हाला हे माहीत असावे की, सार्वकालिक जीवन तुम्हाला मिळाले आहे.

आपल्याला माहीत आहे की, जे कोणी परमेश्वरापासून जन्मले आहेत ते पाप करीत राहत नाहीत; जे परमेश्वरापासून जन्मले आहे त्यांना परमेश्वर सुरक्षित ठेवतात, आणि तो दुष्ट त्यांना अपाय करू शकत नाही.