Popular Bible Verses from Luke 3

Share

Mihing a om theampo tui a kiphum zawk uh ciangin, Jesus zongh tui kiphum hi. A thunget laitak van kihong a, Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.

Tua ahikom John in amate tungah, “Kei ka hile tui taw tui kong phum hi, ahihang kei sangin a lian zaw pek khat hong pai lai tu hi. Ama ii peangdap khau suut tu zongh in ka kilawm bua hi. Ama in Thaa Thiangtho le meikuang taw hong baptize tu hi.

Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi!

Thingkungte phuk tu in a bul ah, hei mai kingat zo hi; nga pha a nga ngawl thingkung theampo kiphuk tu a, meimang sungah kisep tu hi.”

Kamsaangpa Isaiah laibu sungah a ki at bangma in: “Sennealngam sungah mihing khat hong au a: ‘Topa atu lampi sialkhol vun; ama khualhaw natu in lamzin tang khat vawtsak vun! Ngamkuam theampo kivuk tu a, Muallian le mualnote theampo kiziik tam tu hi. Lam kingkoai theampo kimam in, Lam ham theampo a neal in kivawt tu hi. Minam theampo in Pathian ii ngupna mu tu hi,’ ci hi.”