Popular Bible Verses from Colossae te 2

Share

Jesus Christ sia Topa a na saan zawk uh nungsang, ama taw kikopin nungta tavun. Ama sungah zung thuk tha vun a, ama tungah na nuntakna uh sa to tavun, tuaciangin hong kihil sa bangin na upna sungah hat seseam vun. Lungdamkona taw na kidim tavun.

Tua ahikom Christ sung pan ahi ngawl, vaannuai a uk thaa te ii mihingte tungah a piak susuk a mannung ngawl kitheamna, mihing ciimnate taw kuama in sila a hong mat ngawl natu in kikeam tavun.

Hun khat lai in, na mawna uh hang le Thukham nei ngawl Gentile te na hi uh hangin note sia thaa lam ah a thisa na hi uh hi. Ahitazong tu in Pathian in Christ taw nuntakna sungah hong then zo hi. Pathian in ih mawna theampo hong maisak zo hi. Ama in eite hong heencip ahi thusia tepteena leiba theampo hong phiatsak a, thinglamtee tungah hong kilcipsak siat zo hi.

Banghang ziam cile thaa pianzia sia Christ le ama ii mihing a hina sung mama ah a cing takin teang a, tuaciangin ama taw na kikopna uh sungah a kicing nuntakna hong pia zo hi. Ama sia thaa lam sangah a ukte le thuneite khat sim sangin lianzaw hi.

Tua ahikom neak le dawn huvau ahizong, a thiangtho nite huvau ahizong, Thadet poai le Sabbath nipi huvau ahizong note tungah zui tu ngeina vawtsak heak vun. Tuabangte theampo sia maisang a hong pai pheang tu nate ii limh ahi hi; a tatak sia Christ ahi hi.