Popular Bible Verses from 1 John 3

Share

Ka tate awng, ih ki itna sia kam le muk bek ih hisak buatu hi; ngamtatna taw a kilangh ki itna takpi ahi kul hi.

Christ in eite atu a nuntakna hong piakna hangin eite in ki itna sia bang ziam ci in ih he hi. Tua ahiciang eite zongh, ih suapuite atu ih nuntakna ih piak ngam kul tu hi!

Pa in ei sia bangza in hong it ziam tel tavun! Ama hong itna lian mama ahikom ei sia Pathian ii tate hong kici hi — tuabang takpi ma ih hi hi. Leitung in Pathian he ngawl ahikom leitung mite in ei hong he ngawl hi.

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

Pathian ta ahi peuma sia mawna vawt a zom suak bua hi, banghang ziam cile Pathian pianzia mama ama sungah om hi; tuaciangin Pathian sia ama Pa hi zo ahikom mawna vawt a zomsuak thei bua hi.

A hau khat in a cimaw, a suapuipa kisapna mu napi hesuak ngawlin a en thong le Pathian ka it hi, bangbangin ci thei tu ziam?

A kuama po Pathian thupiakte a zui le ama sia Pathian taw kipumkhat in a nungta hi a, Pathian zongh ama taw pumkhat in nungta hi. Tuaciang Pathian hong piaksa Thaa hangin Pathian sia ei taw kipumkhatin nungta ahi hunlam, ih he hi.

Pathian ii tate le Doaimangpa tate kilaklaw ah, a kilamdanna in hisia ahi hi: thutangin a ngamta ngawl ahibuale ngual a it ngawl khat pawpo sia in Pathian ta ahi bua hi.

A kipat pan ma na zaak uh thu in: eite khat le khat ih ki it hamtang natu thu ahi hi.

Tua ahikom ka suapuite awng, leitung mite in no hong ensan le, lamdang na sa heak vun.