Popular Bible Verses from मरकुस 6

Share

यीशुए चैलै कै बौल़ौ, “आव आमुए ऐकी शुनशान जौगैह दै हांडेबा जिथै आमु इकली रौए सौकु औरौ दैणी विशांव कौरे सौकु।” जिथु बौहितै लोग आन्दै जांदै रौंव थिए, औरौ इयौं बौजैह शै तिनु खाणौ का मौका बै ना भैटौ थिया।

यीशुए तिनुखै बौल़ौ, “पौरमेशवर कै बातौ बौताणौवाल़ा का आपणै गांव, औरौ आपणै घोरे, औरौ आपणै रिशतेदारौ खै छोड़ेयौ ओकते सारै ठाँव दा आदर हौं।”

यीशुए उदे आयौ बौड़ै भीड़ दैखै, औरौ तिनु पांदी तरस खोऊवा, जिथुकै सै तिनु भेड़ो कै साए थिए, जिनका कुणिए रोखवाल़ा ना आथी, औरौ सै तिनुखै पौरमेशवर कै राज्य कै बारै दो बौहितै बातौ शिखांदा लागा।

इथकारिए यीशुए तिथै चौमत्कार कै काम ना कौरी, जिथुकै लोगै तैसी पांदी बिशवाश ना की औरौ थौड़ै शै बीमारों पांदी हाथ राखैयौ तिनुखै ठीक कौरे। औरौ तिनकै बिशवाश ना कौरणौ पांदी हैरानी हौए। इथकै बाद यीशु नेड़ी बैड़ी कै गांव दा हौटा, औरौ लोगौ कै पौरमेशवर का उपदैश शिखांदा लागा।

यीशुए तिनी पाँच रोटी औरौ दो माछी कौरी, औरौ स्वर्ग कै ढौबौ दैखैयो पौरमेशवर का धन्यवाद कौरा, औरौ रोटी तौड़ै-तौड़ेयो चैलै खै दैन्‍दा लागा, कै सै लोगौ खै बान्डो, औरौ सैजी दो माछी बै तिनु सौबी मुंजी बान्डै दी। सौबै खाएयो छौकै गौवै। जोबै सौबीए खाणौ खाए पोऊँ तोबै चैलै रोटी औरौ माछी कै बौचेयौंदे टुकड़ै की बारौ शैकड़ी भोरेयो टिपी।