Popular Bible Verses from मत्ती 25

Share

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

तैसकै मालिकै तैसी बौल़ौ, ‘बौहुत बोड़िया, ओए रै आछै औरौ बिशवाश लायक नोकर तू थोड़ै पौयसै सभाल़णो दा बै बिशवाश लायक रौआ, हांव ताखै बौहितै चीज़ौ का औधिकारी बौणान्‍दा। आपणै मालिक कै खुशी दा शामिल हौव।’

जिथुकै जैसी कोसी कैंई किछै औसौ तैसी हौजौ दैंदै औरौ तैसीकैईं बौहितु हौए जालो; पौरौ जैसी कैंई किछै ना आथी, तैसी कैईंदु सैजौ बै जू तैसीकैईं औसौ, उंडु कौरदै।

इथकारिए जागदै रौव, जिथुकै ना तौ तुऐं तैसी दूस खै जाणौ औरौ ना तैसी सौमय कै जोबै हांव पाछु आन्‍दा।”

जोबै हांव भूखा थिया, तौ तुऐं मुखै खाणौ दियु, जोबै हांव तीशा थिया, तौ तुऐं मुखै पाणी पियोऊ, जोबै हांव प्रदेशी थिया, तौ तुऐं मुखै आपणै घोरे बोइदा।

तैसकै मालिकै तैसी बौल़ौ, ‘बौहुत बोड़िया ओए रै आछै औरौ बिशवाश लायक नोकर, तू थोड़ै पौयसै सभाल़णो दा बै बिशवाश लायक रौआ, हांव ताखै बौहितै चीज़ौ का औधिकारी बौणान्दा, आपणै मालिक कि खुशी दा शामिल हौव।’

जोबै हांव नांगा थिया, तुऐं मुखै बामणौ खोटणो दियै, जोबै हांव बीमार थिया, तौ तुऐं मैरै दैखभाल कोरी, जोबै हांव कोयदी दा थिया, तुऐं मुखै भैटिंदै ओऊवे।’