Popular Bible Verses from यूहन्ना 5

Share

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यीशुए तैसी हाल मुंजी पौड़ेयौंदा दैखैबा औरौ ऐजौ जाणैबा की बौहितै दूसौ दा उंडा, ऐसी हालत दा पौड़ै रौआ, तैसी कैईंदु पूछु, “का तू ठीक हौणौ चांए?”

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव। तोबै बै तुऐं सौदा कै जिन्दगी पाणौ कारिए मैरै धोरे आणौ ना चांव।

यीशुए तैसीखै बौल़ौ, “ऊबा बिज़ औरौ आपणै कुटड़ै टिपयौ आपणै घोरो खै आगु जा।” सैजा आदमी तौलोंई ठीक हौए गौआ, औरौ आपणै कुटड़ै टेपेयो हांडदा फिरदा लागा।

इथपांदी यीशुए तिनुखै बौल़ौ, हांव तुऔं खै साचौ-साचौ बुलू, “हांव यानी पौरमेशवर का बैटा आपी किछै ना कौरे सौकु, सिरफ सैजौई जू पिता पौरमेशवर कै कौरदै बैई दैखु, जिथुकै जिनु-जिनु काम कै सै कौरौ, तिनुखै हांव बै तैशैखैई कौरु।