Popular Bible Verses from यूहन्ना 19

Share

जोबै यीशुए सैजा अंगूर का रस पिया, औरौ बौल़ौ, “पूरा हौं” औरौ मुंड झुकायो कै सै मौरे गौआ।

इथकै बाद यीशुए ऐजौ जाणियौ कै ऐबै मोऐं सौबै काम खत्म कौरे पाए, इथकारिए पवित्र शास्त्र दै लिखैयौंदी बात साची साबित हौंव, यीशुए बौल़ौ, “हांव तिशा औसौ।”

यीशुए आपणी माँ औरौ तैसी चैलै खै जैसीआरी सै प्यार राखौ थिया आपणै धोरे खौड़ै दैखैयो आपणी माँ खै बौल़ौ, ओए रै माँ, दैख, ऐजा बैटा तैरा औसौ। तोबै तैसी चैलै खै बौल़ौ, “दैख, ऐजै तैरै माँ औसौ।” औरौ तैसी सौमय सैजा चैला तियौंखै आपणै घोरे लौए गौआ।

पौरौ जोबै तिनुऐ यीशु कै धोरे आयौ दैखौ कै सै मौर गौआ, तोबै तैसकी बांगणी नी तुड़ी पौरौ सैनिकौ मुंजीदा ऐकीए भाला तैसकै पसली दा घुपा, औरौ तैसी पौरैशौ तौलोंई लोऊ औरौ पाणी निकल़ौ।

ऐजी बातौ इथकारिए होई कै जू पवित्र शास्त्र दै लैखैयौंदे बात साची हौंव, कै तैसकी कुणजी बै हाड़की ना तौड़दै। औरौ पवित्र शास्त्र दौ ऐकी जौगैह हौजौ ऐजौ लैखै राए, “जिनुऐ तैसीदा भाला घुपा, सैजै तैसकैई ढौबौ दैखलै।”

तोबै सैनिक यीशु खै लोऐ गौवै। औरौ तिनुऐ तैसलैई आपणौ क्रूस आपी टिपोऊ औरौ तैसी यरूशलेम शहर शै बायरै जिथु खोपड़ी कै जौगैह बौल़ौ तियौं जौगैह पांदी लोए गौवै, जिथु इब्रानी भाषा दो “गुलगुता” बौल़ौ।

सिपाहीए कांडे को मुकुट बुणयो तैसकै मुंडो पांदी राखौ, औरौ तैसीकै बैंगनी रंगो कै बायरै कै खोटणो बोंबाऐ।