Popular Bible Verses from यूहन्ना 15

Share

हांव बैल औसौ, तुऐं शाई औसौ। जू मुं दै बौणैयौंदे रौंव, औरौ हांव तिनुदा बोणेयोंदा रौंऊ; औरौ सै बैजाए फोल़ लांव, जिथुकै मुं दै जौई हौयौ तुऐं किछै ना कौरे सौकौ।

तुऐं मुंदै बौणैयौंदे रौंव, औरौ हांव तुऔं दा बोणेयोंदा रौंदा। जैशै शाई जै बाली दी बौणेयौंदी ना रौंव, तौ आपी ना फोल़ सौकौ। तैशैकैई, तुऐं किछै बै आछौ ना कौर सौकौ जै तुऐं मुं दै बौणैयौंदे ना रौंव।

जै तुऐं मुं दै बौणैयौंदे रौंव, औरौ मैरी शिक्षा तुऔं मुंजी बौणेयौंदी रोली, तौ जू किछै मांगलै, तिथु हांव तुऔं दैंदाए।

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

ऐक आदमी आपणै दोस्त कै ऐजौ दिखाणौ कारिए कै सै तैसीआरी प्यार कौरौ, सौबिदा आछा तरीका ऐजा औसौ कै सै तिनु कारिए मौरे जांव।

सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

“मैरी आज्ञा ऐजी औसौ, कै ऐशैखैई जैशै मोऐं तुऔं आरी प्यार कौरा, तैशैकैई तुऐं बै ऐकी दूजै आरी प्यार राखौ।

मैरै पिता पौरमेशवर की महिमा इथी लैई हौंव, कै तुऐं बैजाए फोल़ लांव, तोबैई तुऐं मैरै चैलै ठोहरलै।

“साची बाल हांव औसौ; औरौ मैरा पिता पौरमेशवर किसान औसौ।

जै कुणिए मुं दै बौणैयौंदे ना रौंव, तौ तिनु काटैयौ फेरकाए दैंव। जोबै सै शाई शोकै जांव, तौ तिनु कौठी कौरेयौ जोल़ाए दैंव।

मोऐं तुऔं ऐजी बातौ इथकारिए बुली, कै तुऔं दै सैजै खुशी हौंव जू मुं दै औसौ, औरौ तुऔं पूरी तरह शै खुशी भैटौ।”

जै तुऐं मैरी आज्ञा कै मानलै, तौ मैरै प्यार दै बौणैयौंदे रौलै, जैशैकै मोऐं आपणै पिता पौरमेशवर की आज्ञा का पालन कौरे राए, औरौ तैसकै प्यार दा बोणेयोंदा रौंऊ।

इनु बातौ की आज्ञा हांव तुऔं इथकारिए दियु कै तुऐं ऐकी दुजैआरी प्यार राखौ।”

जै तुऐं इयौं दुनिया कै लोगौ कै जैशणै हौंदै, तौ दुनिया कै लोग आपणै आरी प्यार राखदै, पौरौ इयौं दुनिया कै लोगौ कै साथै तोंवारै संगति ना आथी, जिथुकै मोऐं तुऔं दुनिया पौरैशै चोणे राए; इथकारिए दुनिया कै लोग तुऔं आरी बोयर राखौ।