Popular Bible Verses from MATEU 28

Share

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts; nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”

Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia.

Maa, a uwaanju ja bakaats: “Ind, ind tsë lal, par man me nda ci tsi pëtsas Yeesu, nul nandoi rieŋa di kruus. Nul cits tsi; par anatsee di pëcäts, bi na ro bunk ja. Nda bili, da teenan tsëko tsi na ro tsi piintsana.

A Yeesu ja bukul: “Ind tsë lënk; nda tsëpan ndii ja ban tsaar biki ni nji, ba tsëp Galileeya; dul di bu kë winënindun.”

Bi bawiak-bajakan júk bi ni bawiak Bajudeu a ba baar pëloole, a ba wël basondaari uncaam un kës wi mak. A ba ja bukul: “Nda jaan: ‘Bafetsul abi bërëm, a ba kiej puumul, bi wund ci bi tsi bëŋooy.’ A uci na tsijëna-ucaak bi te ko wan, wund ka ñakan ni nul te në niiran, din wund ka randan ind unoor.” A ba yank uncaam, a ba ro bi ba jukana bi. A përim pëmënts pan kë leentsa tsi Bajudeu, te unu untsari.