Popular Bible Verses from LÚKAS 8

Share

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

Utul u yër wunk tsi myu, aci ba nja biki ba te përim Nasien-batsi a uu ba, pëya tsi bërun, kawejats ngëko umundu, ni kaka bëka, ni ulílar ngëko umundu ka nëts bukul, u tsu bukul përits jëŋ.

Utul u yër wunk tsi tsëko ilaak, aci ba nja biki ba te përim Nasien-batsi, bu ka niiran pul ni ulílan, maa bu liincats. Uwak bukul di ka jon; u band uwal mteen-teenana, din bu ka fats ufets.

Na ja bukul: “Uwak ind aci tsum?” Ba lënk, ba pikra; a uja nan dooni në ja bacintsul: “Yën ci-un namëntsi kalon? Ŋal ufuts ni mlik, në ja ngul përim, din ngë ro ko wi na ja wi.”

Utul u yër wunk tsi kambaŋ bëga, aci ba nja biki ba te përim Nasien-batsi, a uu ba, Ujabël ka bi kee pënan pul tsi ngëwaas bukul, pa ba rits wak tsi pul bu ka buër.

Par, kaats ko un kunda wi, un dits wi kee pibandar; te kaats un beka wi, un dits wi kee pibanaa, u meaa.

Bi ŋaats win bi na kaats bi nu beka bi, a na bi ee yër tsi bërun Yeesu, a uliaful kë lënk. A tsi bërun bañaan bëlieng, na leents ko un ka wi na kërara Yeesu, ni bi na yës bi ucar umënts wun. Yeesu jaul: “Abuk nji! Uwaku abueranu; tsëpan ni pëfac.”

Ba ya ee wamb Yeesu, ba jaul: “Nawiak, nawiak, pëcäts abaandë-ni inja!” Yeesu natsa aleentsar ufuts ni ngëmaroŋ, a nga tsëk; a tsëko juabëts jok.