Popular Bible Verses from JOŊ 16

Share

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

Maa, uwal wi Uwejats ucär baandi wi, u tsëpand ind tsi ucär un ci wi-ba këci. Par, di ka ñakandar uleka wul bërier wul, maa ka ñakan ngi u te ngi, u leents ind ngi kan bi ngi.

Te inkri, nda netse yep ko tsi katim nji. Nda yepan, ndë yank, pa ulílan ind pëci-un kës wi.

Maa mán leents ind ucär: Ko un pe wi pëkat pa ind, aci nji pëtsëp; par uci n tsëpats, natsënk di ka bi tsi ind. Maa uci n tsëp, kee wëtani ind nul. Ubaandiul, në piban bañaan umundu ba niam tsi uleka ujuban, ni tsi uleka bëmabal, ni tsi uleka kawat-pëleents

Unk buts di nda juatsandun inkri. Maa, mee n winin ind kak, ngëwaas ind ka ci tsi ulílan; a ulílan ind, ñaan di ka yëlan pëpënan wul tsi ind. tsi unu umënts wan, nda ri ka yeparin ko. Mán leents ind ucär: Ko wi nda yep wi ba këyep Asin nji tsi katim nji, në wël ind wul.

Mán leents ind ucär: Nduu rug, nduu kaan, bañaan umundu ka lílan. Nduu juatsan, maa unjuatsia ind ka witsa u ci ulílan.